காதல் தடவி கீசிய கவிஜைகள்..

(இந்த கவிதைகள் பேனாவால் எழுதப்பட்டவை அல்ல.
அரைபிளேடால் காதல் தடவி கீசப்பட்டவை.)



நீ தலைவாரினாய்
நட்சத்திரங்கள் சிதறின.
பொடுகு.

*****

எனது உயிர்
உனக்கே உனக்கு..
சொல்லிவிட்ட பின்பும்
ஏன் உயிர் எடுக்கிறாய்.

*****

சில்லறையை சிந்தியது
போல் சிரித்தாய்...
இந்த சிரிப்புக்காக
சிந்தப்பட்ட சில்லறைகளின்
கணக்கெழுதியபடி நான்.

*****

உயிர் பெற்று உலாவும்
சித்திரப்பாவை நீ.
கேலிச்சித்திரங்கள்
எனக்கு பிடித்தமானவை.

*****

நீ சமைத்த உணவு.
சாப்பிடும் போது
சிரித்தேன்.
ஏனென்றாய்.
துன்பம் வரும் வேளையில்
சிரிக்க சொன்ன வள்ளுவரை
நீ அறிய மாட்டாய்.

*****

வருத்தம் வரும்போது
உனது புகைப்படத்தை
பார்த்தால்
என் வருத்தம்
பறந்து ஓடும்.
உன்னை விட பெரிய
வருத்தம் என் வாழ்க்கையில்
வர வாய்ப்பேயில்லை.

*****