மெகாஆஆஆ லட்சுமி.....

நாமளும் எவ்ளோ நாளா மெகா சீரியல் பாக்குறோம். இந்த மாதிரி மெகா சீரியலுக்கு நம்மளால கத எயுத முடியாதா இன்னா...
நம்ம கிட்ட ஒரு சூப்பர் கத இருக்குதுப்பா... ஆல் காப்பி ரைட்ஸ் டு அரைபிளேடு...கத வேணும்ன்ற தயாரிப்பாளருங்க நம்மள கான்டாக்ட் பண்ண வேண்டியது..
இதோ கதைக்கான ட்ரயிலரு...
-------------------------------------------------


மெகாலட்சுமி தான் ஹீரோயின் பேரு...

டைட்டிலு சாங்கு...

ஓ... ஓஓஓ...
வீர லட்சுமி.. தைர்ய லட்சுமி..
தன லட்சுமி.. விஜய லட்சுமி..
........................(உட்காந்து லட்சுமிங்கள லிஸ்ட் போடுங்கப்பா).
நாட்டுல பல லட்சுமி..
எல்லா லட்சுமியும் சேர்ந்தவதான் இந்த லட்சுமி..
லட்சுமி.. லட்சுமி..
மெகா லட்சுமி...

பொறுமையின் மறுபெயர்
அன்பின் வடிவம்..
அவள்தான் லட்சுமி...
மெகா லட்சுமி..
ஓ... ஓஓஓ... (யானை புலி பூனை சிங்கம் சிறுத்தை எல்லாம் பாட்டுல குறுக்கால வுட்டுக்கோங்க..)

மெகா லட்சுமி... (இத ஒரு சின்ன குழந்தை அடித் தொண்டையில கத்தணும்).
---------------------------------

கதைய முதல் எபிசோட்ல ஆரம்பிக்கறப்ப ராமேசுவரம் கடல்ல ஆரம்பிக்றோம்.
கத கடல் மாதிரி பெருசுன்னு சிம்பாலிக்கா சொல்றோம்.

அங்கதான் நம்ம ஹீரோ குணசேகர் காசியில கங்கையில விழுந்துட்ட தன்னோட முதல் பொண்டாட்டி கங்காவுக்காக காரியமும், ஸ்ரீரங்கம் கோவில் குளத்துல வழுக்கி விழுந்து கோமாவுல இருக்கற இரண்டாவது பொண்டாட்டி காவேரிக்காக பிரார்த்தனையும் பண்ண வர்றாரு.

அவரு அங்க இருக்கறப்ப கடல்ல அடிச்சுக்னு வந்து கரை ஒதுங்கற ஒரு பொண்ணை காப்பாத்தறாரு...

அதுதான் நம்ம மெகாலட்சுமி..

கங்காவோட ஒரு பொண்ணு இரண்டு பையனுக்கும் காவேரியோட இரண்டு பொண்ணு ஒரு பையனுக்கும் லட்சுமிய புடிச்சுடுது.

எல்லாமா சேர்ந்து "சின்னம்மா" அப்பிடின்னு சொல்லி லட்சுமிய புடிச்சிக்கிறாங்க..

வேற வழியில்லாம குணசேகர் சின்னம்மா லட்சுமிய வீட்டுக்கு கூட்டிக்னு வர்றாரு. (இரண்டு வார கதை ஓவர்).

மதுரையில குணசேகர் பட்டுத்தறி ஓட்டி பட்டுப் புடவையா நெஞ்சி குடும்பத்தை காப்பாத்தறாரு...
சின்னம்மா புள்ளைங்கள நல்லா பார்த்துக்கறாங்க..

கங்காவோட பொண்ணுக்கு தலைவாரி விடறாங்க (ஒரு நாள் எபிசோட் ஓவர்)..

காவேரியோட இரண்டு பொண்ணுங்களுக்கு தலைவாரி விடறாங்க (இரண்டு நாள் எபிசோட் ஓவர்)..

கங்காவோட இரண்டு பையனுங்களுக்கு பாடம் சொல்றாங்க.. (இரண்டு நாள் ஓவர்..)

காவேரியோட பையன் காமேசு பாடம் கத்துக்க மாட்டேங்கறான்... "நீ சின்னம்மா... எங்கம்மா இல்லை..."..
"நானும் உன்னோட அம்மாதாண்டா..."....
"இல்லை... இல்லை"... இந்த பாசப்போராட்டம் இரண்டு வாரம் நடக்குது....
கடைசில காவேரியோட பையன் ஓடிப்போயிடறான்....
எல்லோரும் சோகமாயிடறாங்க... (இன்னொரு வாரம் ஓவர்).

இதுல பக்கத்து வீட்ல ஒரு பொண்ணு. அது பக்கத்து தெருல சைக்கிளுக்கு பஞ்சர் ஒட்டற பையன காதலிக்குது. (இரண்டு வாரம் கேரண்டி)

எதிர் வீட்ல மாயா அப்படின்னு ஒரு பணக்கார பொண்ணு. அதுக்கு குணசேகர் மேல கண்ணு.
மெகாலட்சுமி வந்ததுனால அதோட லவ்வு நடக்காம போயிடுச்சி..

ஓரு கட்டத்துல பிள்ளைங்களுக்காக குணசேகர் மெகாலட்சுமிய கல்யாணம் பண்ணிடறாரு.

மாயா குணசேகர மடக்கி என்னையும் கல்யாணம் பண்ணு அப்படின்னு சொல்றா. குணசேகர் முடியாது அப்படின்னு சொல்லிடறாரு.
மாயா உடனே குணசேகரோட தம்பிய கல்யாணம் பண்ணி அதே வீட்டுக்கு வந்துடறா.
கூடவே மாயாவோட அம்மாவும்.
குணசேகர் தம்பி தனசேகர் அப்பாவி. அவன் மாயா கையில மாட்டிக்கிட்டு பயப்படறான். (நாலு மாச கதை ஓடிருச்சிப்பா..)

குணசேகருக்கு ஒரு அக்கா குமுதவல்லி...
அவங்களுக்கு பாவம் ஒரே ஒரு புருசன். ஆனா அவருக்கு மட்டும் இவங்களோட சேர்த்து இரண்டு பொண்டாட்டி.
சக்காளத்தி கொடும தாங்காம அக்கா தம்பி வீட்டுக்கு திரும்பி வர...
கொதித்து எழுந்த மெகாலட்சுமி சிங்கம் மாதிரி அவங்க புருஷன் செவுள்ளயே ஒண்ணு விட்டு அவங்கள சேர்த்து வைக்கறாங்க.
(ஒரு மாச கதை ஓடிருச்சிப்பா)..

(அப்பப்ப திடீர் திடீர்னு ப்ளாக் அண்டு வொயிட் நெகடிவ்ல.. டாங்கிங்க.. பேட்டில் ஃபீல்டு.. சோல்டர்ஸ்... சல்யூட் வெச்சிக்னு மார்ச் பண்ற ஆர்மி... மெகா லட்சுமியும் சல்யூட் பண்றாங்க. !!!!)

மாயா சதிமேல சதி பண்றாங்க. எல்லாத்தையும் மெகாலட்சுமி முறியடிக்கிறாங்க..

மெகாலட்சுமிக்கு ஒரு பெண்குழந்தை பிறக்குது... மாயாவுக்கு ஒரு ஆண்குழந்தை... (மேற்கொண்டு ஒரு இரண்டு மாசம் ஆயிருக்குமா?)

அக்கா குமுதவல்லிக்கு இரண்டு பசங்க..
குமரன். இவன் காலேஜ் படிக்கிறான். காலேஜ்ல ஒரு பொண்ணை லவ் பண்றான். (ஒரு வாரம் சீரியல்ல கடலை போடலாம்)
புனிதன் +2... இவன் கங்கா பொண்ணு புஷ்பா (பத்தாங் கிளாஸ்) லவ் பண்றான். (இரண்டு வாரம்பா..)

இந்த டைம்ல மதுரையில பட்டு நூல் கிடைக்காம தொழில் டல்லாயிடுது....
(நூல் கிடைக்காம சதி பண்றது மாயா... பட்டு நூல் வந்த பத்து லாரியையும் மடக்கி மொத்த நூலையும் தெப்ப குளத்துல கொட்டிடறாங்க..)
எல்லாருமா சேர்ந்து மதுரைய காலி பண்ணிட்டு மெட்றாஸ்க்கு கிளம்பறாங்க.....

ஒரு வருசத்துக்கான கத முடிஞ்சி போச்சிப்பா...
அடுத்த வருசத்துக்கான கதைய அப்பாலிக்கா மெட்றாஸ்ல வச்சி சொல்றேன்..... சரியா....

எங்க எல்லாருமா என் கூட சேர்ந்து அது வரிக்கும் ஒருக்கா கூவுங்க.... "மெகாஆஆ லட்சுமி...".

(கதையோட டி.ஆர்.பி. ரேட்டிங்க வச்சு (அதாவது உங்க ரெஸ்பான்ச வச்சு) இன்னம் ஒரு வருச கதை பாக்கியிருக்கா இல்ல இரண்டு வருச கதை பாக்கியிருக்கான்னு முடிவு செய்வோமுங்க.)

---------------------------------------------------