ஆ. ஏ. அ. ஆனான் 8. - சமஉரிமைகளின் சகாப்தம் - நிறைவு..

"திருமணம் என்பது இரண்டு முதலாளிகள் இரண்டு அடிமைகள் ஆக மொத்தம் இரண்டு பேர்."

ஆக குடும்பம் என்ற அமைப்பு நன்றாக செயல்பட இரண்டு அடிமைகள் தேவைப்படுகிறார்கள்.
ஆணும் இங்கு அடிமையே.

"மனிதன் பிறக்கும் போது சுதந்திரமாக பிறக்கிறான். ஆனால் எங்கோ கண்ணுக்கு தெரியாத சங்கலிகளால் கட்டப்படுகிறான்".

அந்த சங்கிலிகள் ஆண் என்றால் பெண். பெண் என்றால் ஆண்.

பெண் மட்டும்தான் அடிமையாக இருக்கிறாள் என்றும் ஆண்கள் அனைவரும் சுதந்திர புருஷர்கள் என்றும் நிறுத்தப்பட்டுள்ள தவறான பிம்பத்தை உடைக்கவே இந்த கட்டுரைத் தொடர்.
நிறையவே எழுதும் எண்ணம் இருந்துது. ஆனால் பெண்களைப்போல் ஆண் அடிமைத்தளையிலிருந்து விடுபட விரும்புவதில்லை.
அவன் என்றும் பெண்ணின் அன்புச் சிறையில் அடிமையாக இருப்பதையே விரும்புகிறான்.

"தான் களைத்து வீடு திரும்பினால் தன்னை அன்போடு கவனித்துக்கொள்ள ஒருத்தி இருக்கிறாள் என்ற எண்ணமே அவனை செலுத்துகிறது.".
அவனுடைய வாழ்க்கை முறையே அந்த ஒருத்திக்காக சுழலத்துவங்குகிறது.

இன்று இருவரும் பணி செய்யும் சூழலில் இருவரும் களைத்து திரும்ப ஒருவரை ஒருவர் கவனிக்க இயலாத சூழலில் சில பிரச்சனைகள் ஏற்படுகின்றன.
ஆணோ பெண்ணோ அன்பிற்காக விட்டுக் கொடுப்பதுதான் வாழ்க்கை. அது அடிமைத்தளையாகாது.

தவளையும் எலியும் கயிறால் கட்டப்பட்ட கதையை படித்திருப்பீர்கள். தவளை தண்ணீருக்கு இழுக்க எலி தரைக்கு இழுத்ததாம். தவளைகள் தரையிலும் இருக்க பழக்கபட்டவை. தண்ணீருக்குள் இருக்க முடியாத எலிகள் மிக மிக பரிதாபமானவை. சமயத்தில் தவளைகள் கை ஓங்குகிறது. எலிகள் தண்ணீரில் மூச்சு திணருகின்றன. தண்ணீருக்கு போகாதே என்று எலி தவளையிடம் சொல்லவும் கூடாது. அதே போல் தண்ணீரில் மூழ்கு என்று எலியை தவளை நிர்ப்பந்திக்கவும் கூடாது. எத்துனைதான் சமவாய்ப்பு கொடுத்தாலும் எலிகள் தவளைகளாக முடியாது.. தவளைகள் எலிகளாக முடியாது. விட்டுக்கொடுத்து வாழ்வதுதான் வாழ்க்கை என்பதை இரண்டும் புரிந்து கொண்டால் பிரச்சனையில்லை.

"வார் ஆஃப் த செக்ஸஸ்" காலத்துக்கும் உள்ள பிரச்சனையே. ஒருவர் வெல்வது மற்றவர் தோற்பது என்பது தனிப்பட்ட நபர்களின் திறமையை பொறுத்ததாகவே உள்ளது. வீடு மதுரையா சிதம்பரமா என்ற சொற்றொடர் இதையே குறிக்கிறது.

வேதாளத்துக்கு வாழ்க்கைப்பட்டால் முருங்கை மரம் ஏறித்தான் வேதாளத்தை அன்பால் வசப்படுத்தவேண்டும். அது ஆண் வேதாளமாக இருந்தாலும் சரி பெண் வேதாளமாக இருந்தாலும் சரி.

பெண் முன்னேற்றம் என்பது ஆண்களைப்போல் பெண்ணும் சுதந்திரமாக தனியாக இரண்டாம் ஆட்டம் பார்ப்பதோ.. அல்லது பெண்களுக்கும் பிரத்யேகமான ஃபில்டர் சிகரெட்டுகளோ.. அல்லது பார்ட்டிகளும் பார்களுமோ என்ற எண்ணம் நிச்சயமாக என்னால் ஒத்துக்கொள்ள முடியாதது. ஏனெனில் எனது குறுகிய மனப்பான்மை என்பதை நான் இங்கு ஒத்துக் கொள்கிறேன். இந்த எண்ணம் ஆணாதிக்க (!!!) எண்ணமோ என்னவோ நானறியேன்.

என்னைப் பொறுத்த வரையில் சமஉரிமை என்பது.. "ஆண்களோடு பெண்களும் சரிநிகர் சமானமாக" வாழ்தல். எனவே உரிமைகள் அதிகம் உள்ள ஆண்களே பெண்களுக்கு உரிமை தாருங்கள். அதே போல் உரிமை அதிகம் உள்ள பெண்களே ஆண்களுக்கு உரிமை தாருங்கள்.
அவ்வளவே !!!!

(முற்றும்)

-----------------------------------------

(இனி நமது ஆணுரிமைக்குரல் இங்கு கேட்காது என்பதை இக்கணத்தில் சொல்லிக்கொள்கிறேன்.
ஊரிலிருந்து வாழ்க்கைத் துணை திரும்பிவருவதால் நமது எழுத்து சுதந்திரம் தணிக்கைக்கு உட்படும்.
குடும்ப பாரம் காரணமாக பதிவுகள் போடும் வேகம் மட்டுப்படும்.
எனவே இனி இப்பக்கங்கள் சமஉரிமையை பேசாது இனி முடிந்த வரை ஜல்லியாகவே இருக்கும்.
ஜல்லிகள் துவங்கி விட்டன என்பதற்கு எனது முந்தைய பதிவே சான்று :) )

ஆ. ஏ. அ. ஆனான் 7. - காதலாவது கருவாடாவது......

காதலாவது கருவாடாவது...

(கத்திரிக்காவுடன் காதலை கம்பேர் பண்ணி கத்திரிக்காவ கேவல படுத்த விரும்பல. எனக்கு கத்திரிக்கா ரொம்ப புடிக்கும்.)

தெரியாமதான் கேக்குறேன் இந்த காதல்ன்றது இன்னாபா ?

ஒரு பையனுக்கு ஒரு பொண்ணை புட்சி போச்சி.. இல்லை பொண்ணுக்கு பையனை புட்சி போச்சி (!!!).. அதுதான் காதல் ??????

காலேஜில பார்த்தா பொண்ணுக்காக, காதலுக்காக இன்னான்னா பண்றாங்கப்பா நம்ம பயலுவ....
கிஃப்டு வாங்குறது இன்னா... கார்டு வாங்குறது இன்னா..
உதவாத கண்ணாடி பொம்மைங்கள்ள ஐ லவ் யூ ன்னு எயுதிக்கீதுன்றதுக்காக காசு கொடுத்து வாங்குறது இன்னா..

சரி.. அத்த விடு...
பொண்ணுக்கு பர்த்டேயின்னா போன் பண்றீங்க சரி...
அதோட நாய்க்குட்டியோட பர்த்டேக்கு நடுராத்தரி பனிரெண்டு மணிக்கு போன் போட்டு "ஹாப்பி பர்த்டே டு பப்பி".. இன்னாங்கடா இது...?
போனோட அந்த பக்கம் வேற "சோ.. ச்வீட் ஆஃப் யூ..".
அப்புறம் கொஞ்சம் "லொள்.. லொள்"... நாய்க்குட்டியோட பேசற அளவுக்கு ஆயிடுது நிலைம...

இப்படித்தான் நம்மாளு ஒருத்தன்..

அந்த பொண்ணு கூட சேர்ந்து சுத்துறது இன்னா.. சினிமா போறது இன்னா..
காலேஜில அத்தனை பய பைக்கையும் கடன் வாங்கி உட்கார வச்சி சுத்துனது இன்னா..
தலை கோதுவாங்களாம்... மடியில படுத்துப்பாங்களாம்.
ஒரே ஐஸ்கிரீம ஒரே குச்சிய வெச்சு மாத்தி மாத்தி சாப்பிடுவாங்களாம்...

கேட்டா ஜஸ்ட் ஃபிரெண்ட்ஷிப் அப்படிம்பாங்களாம்.

கடசில இன்னா ஆச்சு அந்த பொண்ணு ஒழுங்கா படிச்சிருச்சி.. நம்ப ஆளு நல்லா படிக்கறவந்தான்னாலும் கொஞ்சம் கோட்டை வுட்டுட்டான்.

அந்த பொண்ணு நல்ல கம்பெனியில காம்பஸ்லயே பிளேஸ் ஆயிருச்சி.. நம்ப ஆளு கடைசி வரிக்கும் பிளேஸ் ஆகலை.
இவன இதுக்கு மேலயும் புடிச்சி தொங்குனா நம்ம ஃப்யூச்சர் அவ்வளவுதான் கால்குலேட் பண்ண அந்த ஃபிகர் இவனை கழட்டி விட்டுடுச்சி..

அவனோட நாலு வருட கனவு.. நாயா பேயா அலைஞ்சது.. உழைப்பு... உணர்வு எல்லாம் உடைஞ்சி நொறுங்கி போச்சி...

அவனால இத தாங்க முடியல... கடைசியில தொங்கிட்டான்...
போலீஸ் வந்துச்சி.. விசாரணை பண்ணிச்சு...

கடைசியல அடுத்த நாள் பேப்பருல... "வேலை கிடைக்காத விரக்தியில் வாலிபர் தற்கொலை" அப்படின்னு வந்துச்சு...
இந்த பய எதுக்கு தொங்குனான்றது நமக்குதான் தெரியுமே...

நமக்குதான் மனசே ஒரு மாசத்துக்கு சரியில்லை...

அதனாலதான் சொல்லுறதே. படிக்கிற காலத்துல ஆண் சிங்கங்களே... காதல் தேவையா ?

இந்த பெண்களோட வலையில விழுந்து உங்க படிப்பையும் எதிர் காலத்தையும் தொலைக்கிறது சரியா?

நீ சிகரெட் தண்ணி அடிக்கிற. அது தப்புதான். போதைதான்.
ஆனா காதல் அதை விட மோசமான போதை.
அதனால மாறிடும் உன் வாழ்க்கை பாதை.

இன்னும் இன்னான்னமோ எயுதனும்னு நினைச்சேன்.. நம்ம தொங்கிய நண்பரோட நியாபகம் வந்திருச்சி...
மேற்கொண்டு எயுத முடியாம துக்கம் கைய கட்டிப் போடுது...
அப்பாலிக்கா பொறுமையா வந்து சொல்றேன்.



---------------------------------------------

பிற்சேர்க்கை:

காதலிக்கறப்ப பொண்ணுங்க மெக்கானிக் முருகனா (காதல்) இருந்தாலும் பரவாயில்லை அப்படின்னு சொல்வாங்க.
கல்யாணம்னு வந்துட்டா சஞ்சய் ராமசாமியா(கஜினி) தேடுவாங்க.

***********

நமக்கு இந்த காதல் தெய்வீகமானது... மனசை பார்த்து வர்றது.. இதுல எல்லாம் நம்பிக்கை இல்லீங்க..
காதல் முழுக்க முழுக்க அழகையோ பணத்தையோ பார்த்து மட்டும்தான் வர்றது.
மனசை பார்த்து (!!!!!) வர்ற காதல் நூத்துல ஒண்ணு இருக்குமா ?

*************

ஆ. ஏ. அ. ஆனான் 6 - பியூட்டி பார்லர்கள்

பியூட்டி பார்லர்கள் - அடிமடையனாக்கும் தொழிற்சாலைகள்

எனக்கு ரொம்ப நாளா ஒரு டவுட்டு.
பெண்கள்தான் ஆண்களைவிட அழகு அப்படின்னு சொல்லிக்கறாங்களே.
அப்புறம் நாட்டுல எதுக்கு பெண்களுக்கு மட்டும் இத்தினி பியூட்டி பார்லர் அப்பிடின்னு.

இன்னா இன்னா பண்றாங்கப்பா இதுல...
ஃபேசியல்.. அதுலயே ஏகப்பட்ட டைப்பு...

ஹெர்பல்.. ஆயூர்வேதிக் அது இதுன்னு போயி.. மட் பேக்கு.. இப்ப சாக்கலேட் ஃபேசியல் வரிக்கும் வந்துருக்குது.
சாக்கலேட்டு தின்பாங்க சரி. அதையுமா தூக்கி மூஞ்சில பூசிப்பாங்க.

அப்புறம் ஹேர் கலரிங் இன்னா ஹேர் ஸ்டைலிங் இன்னா... இன்னும் நமக்கு தெரியாத இன்னான்னமோ சமாச்சாரம் எல்லாம் இருக்கு இந்த பியூட்டி பார்லர்ல.

பெண்களோட லட்சியமே ஆணை அடிமையாக்கி வேலை வாங்கணும்ன்றதுதான்.

ஆண அடிமையாக்கி அடிமடையனாக்கணும்னா அதுக்கு ரொம்ப முக்கியமான ஆயுதம் அப்பிடின்னு அவங்க நினைக்கறது அவங்க அழகை (!!).

இப்படி இல்லாத ஒண்ண இருக்கறதா காட்டறதுக்கு அவங்க இன்னா இன்னா பண்றாங்க.

ஆரம்ப காலத்துல இருந்தே மஞ்சளு மருதாணி வெள்ளரிக்காய் அப்படின்னு இன்னா இன்னாத்தையோ பூசிக்கினு கீறாங்கோ.
கழுதை பாலுல குளிச்சவங்கள பத்தியெல்லாம் நாமதான் படிச்சி கீறமே.
இப்ப பெண்கள் ரொம்ப முன்னேறி தெருக்கு இரண்டு பியூட்டி பார்லரு.

சரி இத எல்லாம் ஒரு ஆணை கல்யாணம் பண்றதுக்காக மட்டும்தான் பண்றாங்களான்னு பார்த்தா இல்ல.

கல்யாணம் பண்ணதுக்கு அப்புறமும் ப்யூட்டி பார்லர் போறாங்க.

இத்தையெல்லாம் இன்னாமோ ஆண்கள் செய்யி அப்பிடின்னு சொல்ற மாதிரியும் அதனாலதான் செய்யற மாதிரியும் ஃபிலிம் காட்டுவாங்கோ.

இரண்டு வாரத்துக்கு ஒரு தபா இது தேவையான்னு புலம்பிக்கினே 1000 ரூபா தர்ற ஆண்கள் எத்தினி பேர நாம பார்த்துக்கீறோம்.

இத்தோட முடிஞ்சிடுதான்னு பார்த்தா முடிஞ்சிடுதா. லிப்ஸ்டிக், ஃபேஸ்க்கு போடுற பேஸ், ஐ புரோ, ஸ்னோ, ஃபேர் அண்டு லவ்லி, வெரைட்டி வெரைட்டியா பெளடரு, நெயில் பாலீஷ், மருதாணி, ஹேர் கலரிங்கு இன்னும் நம்ம வாயில கூட நுழையாத ஐட்டம் எத்தினியோ.

டிரஸ்ஸ எடுத்துக்கங்க எத்தினி வெரைட்டி. புட்டு புடவையா வாங்கி அடுக்கறதுல இருந்து சல்வார்ல இருந்து... இப்ப ஜீன்ஸ் பேண்டுல இருந்து டீஷர்ட் வரிக்கும். வாங்கி கொடுத்தே ஓட்டாண்டியா போற ஆம்பிளைங்க எத்தினி பேரு.

நாம இப்படியெல்லாம் சொன்னம்னா எங்களை படிக்க வைங்க. வேலைக்கு அனுப்புங்க. நீ ஒண்ணும் வாங்கி தரவேணா நாங்களே வாங்கிக்குவோம் அப்பிடின்னு யாராச்சும் வந்து பெண்ணுரிம குரல்ல சொன்னாலும் சொல்வாங்க. நமக்கு எதுக்கு வம்பு.

நம்ப கவலையெல்லாம் இதனால பாதிக்கப்படுற அப்பாவி ஆண்களை பத்திதான்.

பத்தாயிரம் ரூபா சம்பளம் வாங்குற ஒருத்தன் ப்யூட்டிக்கே இரண்டாயிரம் ரூபா செலவு பண்ணி தேயறானே. அவன நினைச்சா நமக்கு பரிதாபமா இருக்கு.

ஏன்னு கேட்டுடக் கூடாது. வாங்கி கொடுக்க உனக்கு துப்பில்லை. எங்க அப்பாவ சொல்லணும் தேடி புடிச்சி உன்கிட்ட போய் என்னை கொடுத்தாரு பாருன்னு டயலாக்கு வேற. நம்பாளு பரிதாபமா முழிப்பான்.

அவனும் நல்ல விதமா சொல்லி பார்ப்பமேன்னு "நீ எப்படி இருந்தாலும் என் கண்ணுக்கு அழகா தெரியற. நீ மேக்கப் போடாம நின்னினாலே உலக அழகியெல்லாம் உங்கிட்ட பிச்சை வாங்கணும்". அப்படின்னு டயலாக்கா விட்டு பார்க்கறான். கேக்கறாங்களா இன்னா. அப்படியும் பியூட்டி பார்லரு போறாங்களே. அவனும் தன்னோட தேவையெல்லாம் விட்டுக் கொடுத்து கஸ்டப்பட்டு சம்பாரிச்ச காசு எல்லாம் முகத்துல மட் பேக்கா (மண் பூச்சு) மாறி மக்கி போறத பார்த்துக்கிட்டு சும்மா இருக்கான்.

இவனையெல்லாம் பார்த்தா உங்களுக்கு பாவமா தெரியலியா. இந்த ஆண் அடிமடையனாகி அடிமையானது உங்க யார் கண்ணுக்கும் தெரியலியா.

இந்த மாதிரி அப்பாவிங்களுக்கு குரல் கொடுக்க நாட்டுல ஒரு ஆணுரிமை அமைப்பு கூட இல்லியே.

அவன பாருங்க. மிஞ்சி போனா ஒரு பேண்ட் சட்டை. ஒரு சீப்பு பெளடரு. அவ்வளவுதான். அந்த அம்மணி குறைந்த பட்சம் அரைமணி நேரம் அலங்காரம் பண்ணி அழகாகுது. இவன் சிம்பிளா இரண்டு நிமிஷத்துல அழகாகுறான்.

இந்த ஆணை இப்படி அடிமடையனாக்கி வெச்சுட்டு எனக்கு சுதந்திரமே இல்ல. ஒரு மாயாஜால் உண்டா ஒரு கேண்டில் லைட்டு டின்னர் உண்டா அப்படின்னு சுதந்திரம் இல்லாம கஷ்டப்படுற பெண்கள என்ன சொல்றது.

யோசிச்சு பாருங்க. நாட்டுல யார் சுதந்திரம் இல்லாம இருக்காங்க. வேண்டியது பெண் விடுதலையா. ஆண் விடுதலையா.

ஆ. ஏ. அ. ஆனான் - 5. வரதட்சணை வாங்குவது யார் ?

கல்யாண சந்தையில ஆண்கள் ஆடுமாடுகள் போல் விற்கப்படுகிறார்கள்.
இது ஆண் மீதான பெண்களின் அடக்கு முறை இல்லையா ?

ஆண்களை சுரண்டறதுக்குன்னே பெண்கள் இந்த வரதட்சணை முறையை கண்டுபிடிச்சிருக்காங்க.

வரதட்சணை கொடுமை. இது முற்றிலும் ஒழியணும்னு சொல்றோம்.
ஆனா இது இன்னும் ஒழியல...

காரணம் யார் ?
பெண்கள்.

பெண்களுக்கு இயற்கையாவே நகை மேல ஆச.

வரதட்சணைன்ற பேர்ல இங்க நடக்குற கூத்து நகைய வெச்சு இல்ல நடக்குது.

பெண்ணை பெத்த பெண் விளம்பரம் குடுக்கறப்பவே இத்தினி பவுன் நகை போடறோம்.
(இந்த விளம்பரம்லாம் பேப்பர்ல வராதுங்கோ.. நம்ப தகுந்த வட்டாரம் மூலமா விஷயத்த கசிய விடுவாங்க. இருக்கறாங்களே இதுக்குன்னே அரட்டை கோஷ்டிங்க. )
அதுக்கு தகுந்த மாதிரி நல்ல மாப்பிள்ளை (!!!!!) பாருங்கன்னு சொல்லிதான மாப்பிள்ளை தேடறாங்க.

இதப்பார்த்த ஆண்பிள்ளையை பெற்றெடுத்த பெண் இது நல்ல டீலா இருக்கேன்னு பாக்குறாங்க.
நூறு சவரன் போட்டு ஒரு பெண் வர்றான்னா உடனே சரின்னிடறாங்க...

அந்த பொண்ணு படிச்சிருக்கணும் அழகா இருக்கணும்னு ஆண் புலம்பறத எல்லாம் கேட்காம கல்யாணத்தை பண்ணிடறாங்க.

நெறய சவரன் கைவசம் இருக்குன்றத தவிர வேற எந்த தகுதியும் இல்லாத பொண்ணுங்களுக்கு ஈஸியா ஒரு இளிச்சவாயன் கிடைச்சுடறான்.

நான் தெரியாமதான் கேட்குறேன்..

பொண்ணு பத்து சரவன் போட்டுக்னு வந்தா இன்னா நூறு சவரன் போட்டுக்னு வந்தா இன்னா.
இதனால ஆணுக்கு இன்னா பிரயோசனம்.

அவங்க மாட்டிக்னு வருவாங்களாம்.
பத்திரமா எடுத்து பூட்டி வெச்சு கல்யாணம் காச்சின்னா திரும்பி எடுத்து மாட்டிப்பாங்களாம்.

எவனாவது ஆயிரத்துல ஒருத்தன் கேடு கெட்டவன் இந்த நகையை புடுங்கி தொலைச்சுட்டான்னா... ஐயயோ ஆண்களே மோசம்..
வரதட்சணைன்ற பேர்ல நகையை வாங்கி குடிச்சு தொலையறாங்கன்னு பெண்கள் அமைப்புங்க மொத்தமா கோணியில கல்ல கட்டி அடிக்கிறாங்க.

நல்லா கவனிச்சு பாருங்க.

எங்க ஆயா 25 பவுனு போட்டுக்னு வந்தாங்க.
எங்கம்மா கல்யாணம் ஆனப்ப 50 பவுனு போட்டுக்னு வந்தாங்க.
இப்ப எனக்கு 100 பவுன் போட்டு கல்யாணம் பண்ணி கொடுக்கறாங்கன்னு ஒரு பொண்ணு சொன்னா, நல்லா கவனிச்சு பாருங்க.

அந்த பழைய நகையேதான் பத்திரமா பொட்டிக்குள்ள இருந்து கைமாறி வந்து இருக்கு.

இதுல இது பத்தும் பத்தாதுக்கு அந்த குடும்பத்து தாத்தா அப்பா வோட உழைப்பு உறிஞ்சப்பட்டு நகையா மாறி இருக்கு.

பொண்ணுங்களுக்கு நகை மேல இருக்கற பைத்தியம் குறையாத வரிக்கும் வரதட்சணை அப்படின்ற கொடுமை தொடர்ந்து ஆண்கள் மேல ஏவப்படும்.

தன்னோட பொண்ணு வசதியா இருக்கணும்னு சகலமும் தேஞ்சி ஓடா போற தகப்பன் ஒரு ஆண்தானே.
இந்த பெண்களோட பேராசைக்கு ஈடு கொடுக்க முடியாம தூக்குல தொங்குன தகப்பன்மாரு எத்தனை பேரு.

இன்னாமோ வரதட்சணை கொடுமைய ஆண்கள் ஏவறதா பில்டு அப் கொடுக்கறீங்களே.
வரதட்சணை அதிகமா வேணும்னு பொண்ண பெத்தவன கேக்கறது ஒரு பெண்தான்.

கடனோ உடனோ வாங்கியாவது பொண்ண நல்ல இடமா கொடுக்கனும்னு பின்னாடி இருந்து பில்டப் கொடுக்கறது ஒரு பெண்தான்.
மடையனான ஆண்தான் இதகேட்டு கடன் வாங்கி அதை கட்டறதுக்குன்னே தன் ஆயுச முடிச்சிக்கிறான்.

இத்த விட கொடுமை இரண்டு பொண்ணு இருந்தா அவளுக்கு மட்டும் 50 பவுனு எனக்கு 40 தானான்னு இரண்டு பொண்ணுமா சேர்ந்து பெத்தவன பிடுங்கி எடுப்பாங்க பாருங்க.

கேட்டாங்களோ கேக்கலியோ, எங்க மாமியாரு கேட்டாங்க. எம் புருசன் வண்டி கேட்டாருன்னு சும்மாவா அவங்களா கிளப்பி விடுற பொண்ணுங்க எத்தினி பேரு இருக்காங்க தெரியுமா.

காலம் மாறிடுச்சிங்க. இன்னும் கூட ஆணை அடிமடையனாக்கி வரதட்சணைக்கு அவந்தான் காரணம்னு சொல்லிக்னு இருக்கவங்கள நினச்சா...

எப்ப மாற போறீங்க நீங்க எல்லாம்.

--------


ஆடு வாங்க
மாடு வாங்க
லோன் கொடுக்கும் அரசாங்கம்
ஏழை பெண்கள்
தங்களுக்கு கணவன் வாங்க
லோன் கொடுக்குமா ?


இப்படி பெண் ஒருவர் எழுதியதா புதுக்கவிஜ ஒண்ணு படிச்சேன்.

என்னதான் இந்த பெண் வரதட்சணை கொடுமையில் பாதிக்கப்பட்டதாக சொல்லி கவிதை எழுதியிருந்தாலும் இதுல ஆணடிமைத்தனம் அப்பட்டமா தெரியறத கவனிச்சீங்கன்னா தெரியும்.

ஆணையும் ஆடுமாடு மாதிரி லோன் போட்டு வாங்கலாம்ன்ற கருத்து ஆண் இனத்துக்கே இழுக்கு இல்லையா. ஆண் என்ன ஆடா மாடா இவங்க லோன் போட்டு வாங்க.

கொஞ்சமாவது கருணை காட்டுங்க. எங்களையும் மனுசங்களா நடத்துங்க.

(தொடரும்...)

ஆ. ஏ. அ. ஆனான் - 4. விலை பேசப்படும் ஆண்

மின்னாடி சேப்டரு பின்னாடி சேப்டரு

ஆண் யாரால் அடிமடையனானான்.

குடும்பம்ன்ற அமைப்பாலதான் ஆண் அடிமடையனா ஆயிட்டான்.

குடும்ப அமைப்புல யாருக்குடா லாபம்னு பாத்தீங்கன்னா நிச்சயமா ஆணுக்கு இல்லை.

குடும்பம்ன்றது பெண்களால் பெண்களுக்காக கண்டுபிடிக்கப்பட்ட ஒரு அமைப்பு.

இந்த அமைப்புல ஆண் ஒரு வேலக்காரன் மட்டுமே.

அவன தாஜா பண்ணி வேலை வாங்கறதுக்காக நீதான் குடும்ப தலைவன் அப்பிடின்னு சொல்லிட்டாங்க.
அவனும் அடிமடையனா அதை நம்பிட்டான்.

உண்மையான அதிகாரம் யாருக்கிட்ட இருக்குன்னு குடும்பங்கள உத்து பாருங்க.

சாவிக்கொத்து என்ன ஆண்கள் கையிலயா இருக்கு.

ஆண்பிள்ளதான் வேணும்னு பெண்களே சொல்றாங்களே எதுக்கு. இந்த குடும்ப அமைப்புக்கு அடுத்த வேலைக்காரன் தேவை அதுக்காகத்தான்.

ஆசைக்கு ஒண்ணு.. ஆஸ்திக்கு ஒண்ணு அப்பிடின்னு பயமொழியே இருக்கு.

இதும்படி பொண்ணு மேல மட்டுந்தான் ஆசை. ஆண் ஆஸ்தி சம்பாதிச்சு தர்றதுக்குதான்.

இந்த சமூகம் பெண் பிள்ளைகள் வளர்ப்புல காட்டற அக்கறையில நாலுல ஒரு பங்கு கூட ஆண் பிள்ளைகள் மேல காட்டறதில்லை.

இன்ன இப்பிடி, ஆம்பிளப் பிள்ளயதான படிக்க வைக்கிறாங்க அப்பிடின்றீங்களா...

அந்த காலத்து ஆண் வேட்டையாட வெளிய அனுப்பப்பட்டான். இந்த கால ஆண் முதல்ல படிச்சு தனக்கு ஒரு வேலைய தேடி அது மூலமா குடும்பத்த காப்பாத்தணும்னு நிர்ப்பந்தப் படுத்தப் படுறான்.

பெண்ணுக்கு அப்படி எதுவும் நிர்ப்பந்தம் எதுவும் இல்லை. படிப்போ வேலையோ எத வேணும்னாலும் அவங்க சாய்ஸ்ல வுட்டுடலாம்.

ஆணுக்கு அப்படியா? அவன் தன்னுடைய சுய முயற்சியால ஜெயிக்கிறான்.

இந்த குடும்ப அமைப்பு ஆண் மீது திணிக்கும் மிக அதிக கொடுமை அடுத்துதான் இருக்கு.

இப்படி ஜெயிச்ச ஆண் திருமணம் என்ற போர்வையில் விலை பேசப்படுகிறான்.

விக்கறவங்க ஒரு பெண். தனது பெண்ணுக்காக இந்த ஆணை வாங்கறவங்க ஒரு பெண்.
வாங்கப்பட்ட ஆணை அடிமையாக்கி வேலை வாங்கறவங்க இன்னொரு பெண்.

வெறும் பொருள் என்ற அளவுல விற்கப்படும் ஆணின் மன உணர்வுகள் மதிக்கப்படுகிறதா.

ஆண் செய்யும் ஆட்சேபங்கள் இந்த திருமண சந்தையில் அடிபட்டு போகின்றன.

யாராவது கோழிய கேட்டுட்டா மொளகாய் அரைப்பார்கள் என்ற பழுமொழிதான் அவனுக்கு கிடைக்கிறது.

இதைவிட கொடுமை வெறும் பொருளாய் மட்டுமே ஆண் புழங்கும் இந்த வியாபாரத்தில் ஆணை குறை சொல்வதுதான்.

தங்கம் வில ஏறுச்சுனா தங்கத்தையா குறை சொல்வீங்க...

வெற்றி பெறாத அல்லது ஓரளவுக்கு வெற்றி பெற்ற ஆண்களை பெண்கள் இந்த சந்தையில் திரும்பியும் பார்ப்பதும் இல்லை.

இந்த வியாபாரம் நிறுத்தப்பட வேண்டும். ஆண் பெண்களுடைய சூழ்ச்சியிலிருந்து காப்பாற்ற பட வேண்டும்.

(தொடரும்...)


மின்னாடி சேப்டரு பின்னாடி சேப்டரு

ஆ. ஏ. அ. ஆனான் - 3 ஆண் எப்பிடி அடிமடையனானான் ?

மின்னாடி சேப்டரு பின்னாடி சேப்டரு


ஆண் எப்பிடி அடிமடையனானான் ?

அதெப்படி அன்புன்றது நல்ல விஷயம்தான அப்படின்னு நீங்க சொல்றீங்களா.

அணுகுண்டு கூட ஒரு நல்ல விஷயம்தாங்க. இல்லாட்டி நாம கூட அத தயாரிச்சு வெச்சுப்பமா.

இந்த லவ்வு கீதே அது கூட ஒரு சேஃப்டி ஆயுதம்தான்.

தனக்கு புடிச்ச ஆணை காலமெல்லாம் தனக்கு வேல செய்ய வைக்கறது எப்படின்னு அந்த காலத்துல பொண்ணுங்க குகை போட்டு யோசிச்சிருக்காங்க. (அந்த காலத்துல ரூம்னா அது குகைதான்).
அப்படி கண்டுபுடிச்சதுதான் லவ்வு.

அத மொத தடவயா அவங்க ஆண்கிட்ட சொன்னப்ப அவன் பேஸ்தடிச்சு போயிட்டான் இன்னாடா இதுன்னு.

லவ்வுன்னா உனக்கு எம்மேலயும் எனக்கு உம்மேலயும் ஒரு இது கீதே அதுதான் லவ்வுன்னு அவங்க சொன்னாங்க.

இவனும் நம்பிட்டான். சரி நமக்குள்ள இது கீதுன்றியே இத்த என்னால பாக்க முடியலியே அப்படின்னு இவன் சொல்ல...

அவங்க அடுத்த கட்ட கண்டுபுடிப்புல இறங்கினாங்க.

இந்தா இந்த கயிற கட்டு, இந்த வளையத்தை விரல்ல மாட்டு, இந்த வளையத்த கால்ல மாட்டு, இந்த சிவப்பு சாந்த என் நெத்தியில வை அப்பிடியின்னு லவ்வ கன்ஃபார்ம் பண்ண அடுத்தடுத்த மேட்டரா எடுத்து வுட்டாங்க.

இப்பிடித்தான்யா ஆரம்பிச்சுச்சு எல்லாமே... ஆரம்பத்துல எல்லாமே நல்லா இருந்த மாதிரிதான் தெரிஞ்சுது.

அப்புறம்தான வந்தது வினையே.

நான் பொம்பள. நீ ஆம்பள. நீ என்ன லவ் பண்ணிட்ட. என்ன வச்சி காப்பாத்த வேண்டியது உன்னோட கடமை.

நான் குகையில உக்காந்துக்னு கீறன். நீ போய் எனக்கு வேண்டியத கொண்டு வா.

நீ ஆம்பளயா லட்சணமா போய் ஒரு நாள் முழுக்க வேட்டையாடி கொண்டாந்தினா அத நான் நெருப்புல போட்டு இரண்டு பேருக்குமா சுட்டு தருவன் அப்பிடின்னு சொல்ல நம்ப ஆளும் நம்பிட்டான்.

வெயில்ல மழையில பனியில நம்ப ஆளு கஷ்டப்பட்டு கொண்டு வர்றத அவங்க நெருப்புல போட்டு டிஸ்ட்ரிப்யூட் பண்ண ஆரம்பிச்சாங்க.

இப்படி கிச்சனும் ஹோம் டிபார்ட்மண்டும் அவங்க கையில போயிருச்சு. ஆண் வெறுமனே சம்பாதிக்கிற எந்திரமாயிட்டான்.

எந்திரமாயிட்டாலும் பாவம் மனுசன் இல்லியா அப்பப்ப குரல் வுடுவான்.

ஏன்யா பேசமாட்ட. நான் நம்ம குகைக்காக எவ்ளோ கஷ்டப்படறேன் தெரியுமா? உனக்கு இன்னா ஜாலியா வெளிய போயிடுற.

ஒரு நாள் என்ன மாதிரி வீட்டுக்குள்ளாற இருந்து வேல செஞ்சி பாரு தெரியும்.

அவ்ளோதான் நம்ப ஆளு ஆஃப் ஆயிடுவான்.

ஒரு தடவையாவது இவன் அப்படியா நான் வூட்ல இருந்து அந்த வேலய செஞ்சி பாக்குறன்னு சொல்லியிருந்தான்னா தெரியும்.

அப்பிடியும் தெகிறியமா யாராவது கேட்டா இதல்லாம் பொம்பளைங்க சமாச்சாரம் உனக்கு எதுக்கு அப்பிடின்னு சொல்லி கிச்சனுக்கு வெளிய நிக்க வெச்சுருவாங்க.

ரொம்ப நாள் வரிக்கும் ஆம்பளைங்க இது ஏதோ பெரிய விஷயம் போலன்னு நினைச்சு ஒதுங்கியே இருந்தாங்க.

அப்பதான்யா வந்தது இந்த பெண்ணுரிம. இதுல ஆணுக்கும் கொஞ்சம் உரிமை கிடைச்சு தெகிறியமா கிச்சனுக்குள்ள நுழைஞ்சாங்க.

அப்பதான் ஒரு உண்ம தெரிஞ்சது. இவ்ளோ நாளா சாப்பாடுன்னு இவங்க போட்டது எல்லாம் ஒண்ணுமே இல்லன்னும் தன்னாலேயெ இதவிட நல்லா சமைக்க முடியும்னு அவனுக்கு தெரிஞ்சது.

பெண் அப்பிடின்னு ஒருத்தி இல்லன்னாலும் தன்னாலயே தனக்கான சாப்பாட்ட செஞ்சிக்க முடியும்ன்ற விழிப்புணர்வு ஆண்களுக்கு இப்பதான் வர ஆரம்பிச்சிருக்கு...

(விழிப்புணர்வு தொடரும்...)
மின்னாடி சேப்டரு பின்னாடி சேப்டரு

ஆ. ஏ. அ. ஆனான் - 2. ஆண் எப்போது அடிமடையனானான் ?

மின்னாடி சேப்டரு பின்னாடி சேப்டரு
ஆண் எப்போது அடிமடையனானான் ?

இது ரொம்ப இம்பார்ட்டண்டான கேள்வி.

இதுக்கு நாம அவய்லபிள் ஹிஸ்டரிய பார்க்கலாம்.

பெண் எப்ப ஆணோட வாழ்க்ககையில வந்தாளோ அப்பவே ஆண் அடி மடையனாயிட்டான்.

ஆதாம் ஏவாள எடுத்துக்குங்க. ஆப்பிளு துன்னாத அப்பிடின்னு கடவுளே சொல்லிட்டு பூடறாரு.
இருந்தாலும் இருக்கற ஒரே பொண்ணுக்காக தன்னோட கருத்து கொள்கை கடவுளு எல்லாத்ததையும் தூக்கி போட்டுட்டான் உலகத்தோட முதல் ஆண். அங்க ஆரம்பிச்சதுங்க ஆண் அடிமைத்தனம்...

கிரேக்கத்துல ஹெலன் அப்பிடின்னு ஒரு பொண்ணு.. அதுக்காக அறிவில்லாம அடிச்சிக்கிட்டாங்க பாருங்க நம்ப ஆண்மக்கள்...

கிளியோபாட்ரா அப்பிடின்னு இன்னொரு பொண்ணு... இது எகிப்துல. அரசனாயிருக்க வேண்டிய ஆண்டனிய அடிமையாக்கிய புண்ணியவதி...

சரி நம்ம ஊரு கத இன்னாடா சொல்லுதுன்னு பாத்தா பாஞ்சாலின்னு ஒரு பொண்ணு. அது தேவையில்லாம சிரிச்சு அப்பால அவமானப்பட்டு கூந்தல முடிய மாட்டேன்னு சொல்லுதுன்னு அஞ்சி பேரு அடி மடையனாகி வெட்டி மடிஞ்சி, ஒரு ஒட்டு மொத்த கண்ட்ரியே குளோஸ் ஆயிருச்சி.

அம்பிகாபதி, மஜ்னு, சலீம், ரோமியா பொண்ண நம்பி டிராஜிடியா முடிஞ்ச ஆண்களோட கத எத்தினி எத்தினி.

இவ்ளோ சிச்சுவேஷனையும் நாம ஆராய்ஞ்சி பாத்தம்னா ஒரு மேட்டரு தெரிய வரும்.
எல்லா பொண்ணுங்களும் ஆண்கள எப்பிடி அடிமடையனாக்குனாங்க...

அதுக்கு அவங்க கண்டு பிடிச்ச பயங்கரமான ஆயுதம் ஒண்ணுதான் எல்லாத்துக்கும் காரணம்.
இது இன்னாபா ஆயுதம் அப்பிடின்றீங்களா...

அந்த ஆயுதம் பேரு காதல்...
தமிழ்ல சொல்லணும்னா லவ்வு...

மனித குல ஹிஸ்டரில கண்டு பிடிக்கப்பட்ட வெரி டேஞ்சரஸ் ஆயுதம் இந்த லவ்வுதான்... ஆட்டம் பாம்லாம் அதுக்கு அப்பாலதான்.

ஆட்டம் பாம் ஆயுதம் அஞ்சி செகண்டுல சாவு... ஆனா இந்த லவ்வு ஆயுதம் இருக்கே இது ஆயுசு முழுக்க சாகடிக்கும்.

இந்த லவ்வால ஆண்கள் படற கஷ்டம் இருக்கே.. அப்பப்பா.. இது முழுக்க முழுக்க ஆண்களை அடிமைப்படுத்த புத்திசாலி பெண்களால் கண்டு பிடிக்கப்பட்ட கண்டுபிடிப்பு.

இந்த லவ்வு கறுப்பா சிவப்பா... பச்சையா மஞ்சளா... அது இன்னான்னு இது வரிக்கும் யாரும் கண்ணால பாத்தது கடியாது..

ஆனா ஒரு பொண்ணு ஒரு ஆணை பாத்து எனக்கு உம்மேல லவ்வாயிடுச்சி அப்பிடின்னு சொல்லுதுன்னு வையுங்க...
அடுத்த நிமிஷம் அவன் தன்னோட டோட்டல் மூளையையும் கழட்டி வெச்சுடறான்...

இந்த இடத்துலதான் ஆண் டோட்டலா தோத்து போறான்....

நாம ஆணுரிமைக்கு போராடணும்னா இந்த பயங்கர ஆயுதத்த எதிர்த்து போராட வேண்டிய கட்டதுத்துல இருக்கோம்.

லவ்வு நல்ல விஷயந்தான அப்பிடின்னு நீங்க சொல்றவறா இருந்தா...
இந்த லவ்வுன்ற விஷயம் எப்பிடியெல்லாம் ஆண அடிமடையனாக்குதுன்றத அடுத்தடுத்த சேப்டர்ல பார்க்கலாம்.


மின்னாடி சேப்டரு பின்னாடி சேப்டரு

ஆண் ஏன் அடிமடையனானான்?

பின்னாடி சேப்டரு

ஆண் ஏன் அடிமடையனானான்?

"பெண்ணால்" ஒரே வார்த்தை பதில்.

நாம இருக்கறது இருபத்தோராவது நூற்றாண்டுங்க.

இன்னும் இன்னடான்னா பெண்ணுரிம பெண்ணுரிமன்னு நிறைய பேசுறாங்க.

ஐயா, இந்த பெண்ணுரிம அப்பிடின்னா இன்னாங்க..

பெண்ணுக்கு சுதந்திரம் வோணும்.. அதுதான் பெண்ணுரிம..

அப்ப சரி.. அந்த சுதந்திரம் யார்கிட்ட இருந்து..
ஆண்கள் கிட்ட இருந்து...

ஒரு சில சமயம் இதை கேக்கிறப்ப ஆச்சரியமா இருக்குங்க..

யாருகிட்ட எது இல்லியோ அவங்க கிட்ட அத கேட்டா அவங்களால எப்பிடிங்க தர முடியும்.


இன்னிக்கு சமுதாயம் இருக்கிற இருப்புல யாருக்கு உரிம இருக்கு, யாருக்கு இல்லன்னு
எல்லாருக்கும் தெரியும்.

இருந்தும் நாம இப்பிடிதான் பேசறோம்.

இப்ப இருக்கிற சமுதாயத்துல ஆண்கள் நிலமதாங்க ரொம்பவே பாவமா இருக்கு.

ஒரு ஆண் பிறக்கறப்ப அம்மாவுக்கு கட்டுப்படறான். அதுக்கப்புறம் கட்டுன பொண்டாட்டிக்கு கட்டுப்படறான். அப்புறம் மகளுக்கு கட்டுப்படறான்.

இப்படி காலமெல்லாம் கட்டுப்பட்டு குடும்பத்தோட நலனுக்காக கஷ்டப்படற ஆண்கிட்ட உரிமய கொடுன்னா தனக்கே இல்லாத ஒண்ணுக்கு அவன் எங்க போவான்.

இந்த ஃபேமிலி இருக்கே அதெல்லாம் இப்ப ம்யூட்சுவல் அண்டர்ஸ்டாண்டிங்ல ஓடுது.
ஃபேமிலி கயிறு பெண்கள எந்த அளவுக்கு கட்டி போட்டிருக்கோ அதே அளவு ஆண்களையும் கட்டி போட்டிருக்கு.

ஆண்கள்தான் நாலு இடம் போறாங்க. வர்றாங்க. பெண்கள் எங்கயும் போறது இல்ல அப்பிடின்னு கும்சா ஒரு ஸ்டேட்மண்ட் வுட்டுடறாங்க.

ஐயா, இந்த சுவிட்சு இருக்குதே சுவிட்சு அது ஓடாதுங்க. ஆனா இந்த சுவிட்சு போட்ட பின்னாடி இந்த கிரைண்டரு ஓடும் பாருங்க ஒரு ஓட்டம். ஆனா இந்த கிரைண்டரு கூட ரொம்ப தூரம் ஓட முடியர்துங்க. இருக்கற இடத்துலயேதான் ஓடும்.

பவர் இல்லாம ஓட முடியாத கிரைண்டரு பெருசா. இல்ல அந்த கிரைண்டரையே ஆட்டி வைக்கிற சுவிட்சு பெருசா ?

நமக்கு இந்த பெண்ணுரிமய பத்தி ரொம்ப தெரியாதுங்க. நாம இந்த கட்டுரைத் தொடர எழுதணும்னு நினைச்சதுக்கு காரணம் ஆணுக்கும் உரிம வேணும்ன்றது பத்தி சொல்லத்தான்.

அகில உலக ஆண்குலமே உங்கள நம்பி எயுத தொடங்கிட்டேன். வூட்டம்மா திட்டுவாங்கன்னு பயப்படாமா தெகிரியமா வந்து அனானிமஸ்ஸாவாவது உங்க கருத்துங்கள சொல்லுங்க.

பெண்குலமே.. தப்புதான். ஆணுரிம கேக்கறது தப்புதான். ஆனா எந்த குரலா இருந்தாலும் ஒடுக்கப்படக்கூடாது. நீங்களும் அந்த டிவி பொட்டிய ஆஃப் பண்ணிட்டு வந்து ஆணுரிம ஏன் கூடாதுன்றத பிளந்து கட்டுங்க. ஏதோ நாமளும் நமக்கு தெரிஞ்சத சொல்றோம்.

கட்டுரை மடத்தனமா இருக்கு அப்பிடின்னு சொல்றீங்களா.. காரணத்துக்கு தலைப்பா இன்னொரு தபா படிக்கவும்.

தாங்ஸ்... தொடரும்...